Yefcel unaẓuṛ, s rregmat d uɛekki izelli amundul-is. Dayen! Bḍen-t netta, rnan tawacult-is. Ayen? Acku d ilelli, acku yekkat ɣef tlelli. Tilelli-nni ur nehwi i wid yezdeɣ yilem d ttkufḍa. Yekfa wawal, yeɛya lxaṭeṛ. Tab st n Teqbaylit yewwet deg-s iɣisi, iḥuz Lmulud. Dayen, yeḥbes cna, yeḥbes azuzen n wid iḥemmlen tuɣac-is, tiktiwin-is, iḥulfan-is yecban wid-nneɣ.
Ala a Lmulud! Tayri-nneɣ i k-nbud ala tuɣalin ara k-d-tessuter. Tuɣalin ɣer umennuɣ, ɣer tẓuṛi, ɣer tayri iqbayliyen. Anwa uwumi ur tewɛiṛ teswiɛt? Nfehm-ik a Lmulud! Neẓṛa ayen yellan. Xas ahat awalen-a ur ttɛawan ara aṭṭas, maca aqlaɣ yid-k. Acku keč d azamul-nneɣ. D azamul n telqay n tikti taqbaylit, azamul n leḥdaqa, azamul n tmusni. Mazal yella wayen ad d-tiniḍ, mazal yella wayen ad tcerkeḍ yid-neɣ. Yerna kečč seg wid isent-yesnen! Nḥemmel-ik! Yerna akken tḥemleḍ: s teqbaylit, ay aqcic!
Muqel kan dacu id nnan warrac-nneɣ ɣef yiles n Moumouh Djouahar!
Teḥwaǧ-ik Teqbaylit
Zuzneɣ awal s tsusmi
Erriɣ-d sswab i laɛqel
Ddiɣ s tiddin n tnumi...
Er tlemda, tigzi tuqel
Ksiɣ di ccbaḥa n tutlayt
Mliɣ abrid i wallaɣ
Ufiɣ ayen ṛban leqrun
Ldiɣ lecfar walaɣ
Usmeɣ ɣef tiṭ yettrun
Dɣa ruɣ s nnuba-w
A lemri i tussriwin
Mazal teẓḍa-tent tisri
Er ay ul ɣer tensufin
D usmekti-m a tayri
Yir tiyita-m a Lzayer-inu
Ader-itt, temteḍ a tasa-inu
Zuɣer iḥulfan-im a tidderwect-iw
Sani id am-yehwa ddu
Cleqfeɣ-kem-id si tlalit
Cfiɣ-am d aɛsal s ubuddu
Nezɣeɣ yis-m s Teqbaylit
A timezgit deg yirebbi-w
Ay ul yesseɣmel usummel
Dayen tugar-ik tasa
Eḍs i karuh ma k-yemmel
Tifrat i ssegnent tlufa
Ttlent s usutel n yiseɣ
Akken lebɣi-w ad t-lseɣ
Nnig tecwawt n uḥemmel
Noufel Bouzeboudja
Asefru sɣur: DJOUAHER Moumouh (Izerfan n umeskar akk ines)